鍾嘉欣 (Actress Linda Chung) 誤做第三者：我唔知喎！

Source: http://hk.next.nextmedia.com/article/1111/15364826

2011年6月23日 (壹週刊) 第1111期 (探熱針): -

鍾嘉欣 (Actress Linda Chung) 誤做第三者：我唔知喎！

在《點解阿 Sir係阿 Sir》飾演 Miss Koo的鍾嘉欣，慘遇情場騙子陳豪，哭崩全城。現實生活中，鍾嘉欣亦被本刊踢爆與在加拿大讀書時的舊同學李傲寰大律師 (Barrister Felix Li) 秘密拍拖。

不過，鍾嘉欣的大律師男友 Felix，原來有個拍拖多年，同是大律師的親密女友梁凱思大律師 (Barrister Joyce Leung)。本週一（六月二十日），記者將 Felix一腳踏兩船一事告知鍾嘉欣，她恍然大悟說：「我……唔知喎！」矇查查做了第三者，鍾嘉欣戲如人生。

向女友自首

上月十日，趁新劇《學府藏龍》未開工，同奀星男友伍允龍暗拍亦暗散的鍾嘉欣，戴帽戴眼鏡，一身樸素打扮，與新歡 Felix到情侶拍拖勝地赤柱撐枱腳。  其間因為發現有記者，二人飯都唔食，坐番上車劈住走。

背女友偷嗒鍾嘉欣東窗事發，但 Counsel Felix Li 繼續瞞住鍾嘉欣，同時向正印女友 Counsel Joyce Leung 自首，訛稱當晚相約鍾嘉欣純粹是傾談借 band房事宜，不過報導出街，正印依然火遮眼。

唔知有正印

本週一下午，鍾嘉欣在電視城拍攝新劇《學府藏龍》，提到 Felix 其實早有一要好女友，她表現得一臉茫然。

壹：依家同 Felix發展成點？
鍾：朋友囉！
壹：感情有冇更進一步發展？
鍾：感情事唔講。
壹：你知唔知 Felix有女朋友？
鍾：（愕一愕）……唔知喎！
壹：上次你哋赤柱拍拖報導出街，佢哋吵到要分手喎！
鍾：我唔知呢啲事。
壹：驚唔驚俾人話你係第三者？
鍾：人哋想點寫就點寫，支筆喺記者度，私事一向低調，唔會影響我工作。我同佢係好（講完好字發覺唔對路，即停）……係朋友咁簡單。

有份家庭樂

東窗事發後， Felix除了返工便是與男性友人食飯飲嘢，並無異常。早前週末，記者發現 Felix與女友及媽咪 Barrister Jennifer Tsui 三人一齊離開銅鑼灣莊苑寓所，兩女一男夾手夾腳把一袋二袋行李，搬上 Felix的黑色日產座駕上，其間，紮住馬尾，鼓埋泡腮的 Joyce甚少跟 Felix交談，反而與其母有講有笑，明顯熟落。

之後，由 Felix揸車，一車人過海到九龍塘。 Family day都預埋正印 Joyce，可見二人關係密切；被蒙在鼓裡的鍾嘉欣，醒吓啦！

男友偷食純情鍾嘉欣，現場所見 Barrister Joyce Leung 樣貌一般，確實唔夠「第三者」鍾嘉欣省鏡。